談談南韓既一位攝影師 —— Cho Gi-Seok（조기석）III

Cho Gi Seok既作品不單只係一張靜態既圖像，更似係一道打開左既窗口，讓觀眾進入佢既幻想世界，用一種新角度重新認識周邊世界。

參照上圖，攝影師想表達「人類存在」同「現今世代」之間既關係。係現今呢個數位時代，人類生活係好多方面都同「科技」拉上關係。Cho Gi Seok打破一般傳統描繪現實既寫實手法，通過佈景，用超現實既方式重新處理人、物、景之間既空間關係。雖然我地可以係相片中分得出「現實」同「虛構」兩者之間既界線，但共融既意象亦同時帶出「人亦係網路世代既一部分」，每張看似荒誕既相片，反映既全都係部分現實既寫照，兩者之間存有一種曖昧未明、微妙(脆弱)既平衡。佢既創作除左為觀眾帶黎一定既趣味性，亦將我地重新拉返至現實議題，溫和咁提醒我地，要對日常同周邊環境作出反思，讓生活存在多樣可能性。

呢位自學成才既攝影藝術創作者，一直致力完善自己既技藝同視野。一方面，Cho Gi Seok本人十分熱愛同享受親力親為既過程；另一方面，受工作影響既關係，令佢有機會接觸到唔同種類既工作項目，加上，虛擬同數位影像庫既出現，為其帶來好多創作靈感，呢D都加深佢對藝術探究方面既好奇同嘗試，擴闊左佢去認識世界既渠道。

而Cho Gi Seok亦逐漸從實踐層面推演至對美既探索，探討世界同自我意識之間，深刻且隱晦既聯繫。係一次既訪談入面，佢本人用＂嘗試＂呢個關鍵詞，作為形容自己作品風格既關鍵詞，可以貫穿佢所有作品既內核。從最早期既創作到依家，都可以感受到由最初所追求既黑暗、怪異氛圍，到現時對超現實、抽象既一種意象表達。對佢同委託佢本人做野既人黎講，都不斷係到進行＂嘗試＂既工作，充滿強烈好奇心既Cho Gi Seok有好多野想體驗、所以好多野都好願意去嘗試，正因為咁，佢對好多野都保持一種開放性既態度，並冇刻意讓自己局限於某一類型既風格，我諗呢個可能就係好難為佢作品風格下任何定義既原因。佢既美學遊走於奇想與真實、過去與未來、東方與西方、自然與科技之間既對立，甚至更廣。現時，Cho Gi Seok憑其前衛既原創作品，同別樹一幟既藝術風格，繼續突破藝術同商業作品之間無限既可能性，係對立既平衡中發展真善美既一面。

“我認為嘗試新事物，無論大小，總是有意義的即使你失敗了，嘗試也會帶來改變。如果你對開始新事物持觀望態度，我會提醒你，你有失敗的權利。”