ARM 既深入分析

ARM 快要上市，有舊生想我討論下呢間公司，可以呀！

ARM 主力唔係做粒CPU，啫係佢唔係晶片生產商，佢只係設計呢個處理器既核心架構，同相關既指令集，然後買斷比人或授權人用嚟收服務費，但千其唔好睇少佢；概括嚟講，日常要用到粒CPU 既，有四個範疇：

1）侍服器

2）個人電腦

3）手機

4）其他智能裝置（家具和汽車等等）

呢4個範疇既處理器，基本上第三同第四項已經比ARM 壟斷晒，特別手機既處理器，無論高通、三星、華為等等全都係用ARM既 Cortex-A 核心架構再加工製成自家甚麼snapdragon 、Exynos、麒麟晶片。

而好多智能設備，就用ARM 既嵌入式處理器 Cortex-M；典型例子，Tesla 電動車用NVIDIA 既GPU 晶片， 而NVIDIA 用 ARM 處理器架構。

所以，ARM 有大大條護成河！

咁佢重有無發展潛力呢？

有！

以上首兩個範疇一直都係Intel 同AMD 既X86架構霸晒個市場，但隨住google 既Chromebook 同 Apple 基於ARM 架構製成M系列晶片（Apple 應該同ARM買斷左某d處理器架構既指令集），ARM 已有趨勢染指電腦既晶片市場；同埋，我用google cloud platform 安裝侍服器，都已經有ARM 架構可揀。

所以ARM仍在成長中，唔似Intel ，已經係一個老人家！AMD 就似剛步入盛年；可以咁講，ARM 仲好年青，而家想挑戰Intel 同AMD既地位。

當然，呢個挑戰唔容易，因為X86處理器的作業系統(window 與linux )同相關軟件應用生態已經非常成熟，唔係話爭就爭到，需要時日。

不過，今次上市，係軟銀集團孫正義等錢洗（剛賣走美國第三大電信商T-Mobile 同阿里巴巴既股份，你就知佢幾等錢洗），佢將持有既ARM 股份拎曬出嚟上市，咁價一定高，唔係佢私下賣比人都得啦，咁好既公司，平d點會無人要？！

正因為咁，ARM 上完市，股價應該會回落！