以太幣都幾濕滯！

有舊生問我：「Alex，真的不能入手以太幣？」

坦白講，下半年美國大選，美國會較「惹事」，特別是Donald Trump ，得閒又噏一句，嚇一嚇市場，時值如此動蕩的情勢，我們投資就該保守一些，甚至少買少錯，唔買野仲好！試問咁既狀況，點解仲買一隻現正身陷險境的加密貨幣：以太幣！

以太幣除了被STX 和SOL 聯手夾攻外，美國SEC亦視它為眼中釘，不除不快！其實，我一直都覺V 神只是一個程式系統設計痴，對世事就不太明白，特別是現實的法規，咁多年，佢不斷將以太坊系統升級又升級，由PoW 過渡到PoS，但究竟為乜要咁轉呢？只因為效能？究竟佢有無顧及呢個效能既提升，令以太幣的質押功能愈發明顯，令佢愈嚟愈似一種證券，而非大宗商品。

任何一種加密貨幣，其挖礦方式一旦偏離PoW，就會失去大宗商品的內涵，而極可能歸類為證券。

以太坊一係就好似STX 既Bitcoin Stacks 咁，佢地既去中心化自治組織(DAO）擺明車馬係有證券化成份，就直情同SEC攞牌，咁就可以揸正牌玩質押！所以，我一直極睇好STX ，因為佢有法規既優勢。

以太幣雖一直以商品自居，但挖礦方式就極證券化，矛盾之極，現在ETH 大戶還想硬來用輿論壓力迫SEC 就範，讓ETH 可以出現貨ETF，真係發夢無咁早！

以太坊大戶只是一廂情願，美國SEC 的態度，一直都對以太幣現貨ETF非常冷淡，呢個跟年初比特幣要發行現貨ETF時 ，真係雲泥之別。

更大鑊既係，美國SEC不但拒絕申請，更反攻起來，指控以太坊的主要錢包MetaMask，充當了無牌經紀交易商，違反了證券法。Metamask 母公司Consensys創始人兼首席執行官Joe Lubin (他亦是以太坊聯合創始人，啫係ETH大戶之一），夠膽死率先發難，對SEC 作出起訴，企圖為以太幣商品化加以護航，想為日後撈一筆大既！

以太坊一日不改回PoW 挖礦，SEC絕不會視之為商品，亦絕不會放行其現貨ETF，且會進一步反過來追殺。

所以，以太坊 V 神話要轉返PoW 。玩咩！用左幾年嚟升級，而家又想回到從前？

陣腳咁亂，又比監管部門追殺，呢排又無熱門頂目，風頭比SOL搶晒，點投資得過呀！