由資金無乜出路推斷下半年會大升既資產

有無留意，最近可投資既資產似乎愈嚟愈少，正因為咁，資金的流向其實無乜選擇，由此可推測到有乜野資產價格可大升。

當下香港，無論股市和樓市，都係死池，基本上買港股同港樓，你既投資都會被套牢落嚟，好難將股票或物業短期賣出，流動性極低；所以，而家買親樓既人都會同你講「我自住既」，啫係話佢要住上十年廿年，無諗住放。事實上，香港的股票只剩下買嚟收息的老一輩；而樓市就只剩實際用家，好閹悶。

正因為香港無乜野好投資，資金都不斷離開香港。

至於加密貨幣市場，多得美國SEC 最近列出十多種山寨幣違規，全部市價均大跌；現在，加密貨幣可投資既就真只剩比特幣和以太幣最為安全；但我曾講過，SEC 有機會「郁」以太坊，所以唯一可投資就只剩比特幣。資金都要有出路，SEC 封殺曬其他主要Alt coins，錢最後都要走去比特幣處。

已經有好多資金湧入星加坡，呢個國家咁細，消化唔到咁多錢，所以d錢又要搵另一處做出路，日本係首選了，加上美資除了投資喺同AI 有關的美國科技股外，都無乜出路，於是都係湧去日本，一來貪日元平，二來日本近年來既外向型企業發展（d品牌走曬出去其他地方開檔），未來十年應該有得做，資金就湧去日本股市同樓市。

美國息口仲要升，所以債仲未買得過，黃金太old fashion，無人熱衷買；油價又無乜大方向；英國物業，升完架啦，而家穩定左落嚟。

咁泥緊下半年，資金只會向Bitcoins、AI 科技股同日本相關資產靠攏過去，可大升都係呢d！

我係咁諗。