香港酒店房價根本無可能再二千蚊一晚！

人就係咁樣，習慣左好，就好似完全唔懂放下身段，推倒重來；香港既商家，十多年嚟被「縱」慣，就好似唔識因應環境作出調節同適應。

五一黃金週不似預期，其實，我地都經歷左年幾兩年啦，內地人購買力的新格局亦愈嚟愈清晣，已成趨勢；你做酒店既，仲想二三千蚊一晚兼full booking，未免太異想天開。

有酒店表示，五一黃金週都只得九成房滿，仲要減價到二千蚊樓下先做到九成，好似好委屈咁！我都唔明，經濟有週期，人生有起落，甚至一落而不再上都可以，點解市場價格就要永遠寄望喺高位。

做人要能屈能伸，但香港仲有好多商家或專業投資者，只能接受伸，卻不能屈，要屈就好似違反自然，全不通達咁。

隨著內地的品牌和店號來香港開設分店，香港逐漸「祖國化」，對內地人而言，就沒有太大的新鮮感，呢個城市昔日嗰份華洋交雜既特殊文化氛圍，已逐漸褪色；加上外國既大品牌亦紛紛走入內地大城市直接開舖做生意，就連貨運都唔再經過香港港口轉入內地，香港作為內地窗口的角色，已愈發不重要，試問香港d野仲駛唔駛咁貴？

以酒店房間價格而言，香港真係超貴，同一個價格，甚至唔駛咁貴，已經可以喺日本住溫泉酒店，仲包埋超正早晚餐添；換著喺香港，咪房一間咯，認真唔抵，以前香港當老肯，仲喺運勢中，先可以收貴，而家盛極而衰，房價唔值咁多啦！

其實，內地人而家到香港的消費行為，好正常，我地去日本窮遊都會咁；係我地香港人習慣左內地人必然要係大水喉大花筒，嚟親香港都要唔問價買野，而家內地經濟都唔好，佢地常態返，我地就好唔習慣，其實唔正常既係我地。

打通幾多個內地省份自由行嚟香港都無用，我係同胞都識計數，你香港酒店價格係深圳既五倍，比我都唔喺香港留夜，喺香港條旺角道天橋打完咭跟住去尖咀睇埋煙花就搭高鐵走咯；情況如我甚少喺新宿過夜，寧買東京pass 或搭新幹線到其他平d住宿既日本地方住一樣，好合理。大佬！一河之隔，住宿成本以倍貴，以前肯比都係一個階段啫，而家有埋高鐵，Law of One Price ! 內地同胞就更加唔肯比咁貴房價啦。

香港跟內地城市，就好似龜兔賽跑，我地香港曾經得天獨厚，於是自傲得睡著了；殊不知，內地城市，趁著我們沉睡，已逐一趕上。一覺醒來，我們仍懵然不知，仲在張望烏龜趕上來未！？

內地各城市窮是窮了，但它們自強不是，天天在進步；反之，我們香港，不求自身長進，只天天仰望中央打救，我們是否有點那個。