迎來質押憑證大浪潮

如無意外，未來九個月，去中心文化該有一波「質押 (stacking)」熱潮出現，最後終結於美國的SEC 插手干預。

上一波的質押，最主要為去中心化交易所（DEX) 提供資金池，所謂「Liquidity Farming」，這種「耕作」，以高息率吸引參與者，但「蝕本」機會極高，只要你提供嗰「一對」代幣比率是旦一邊幣值急跌或急升，你既「本金」就輸突，基本上，極「兇險」！所以呢個熱潮，好快消失。

未來一段日子的質押，「玩法」又不同，今次是一種挖礦憑證，你放幣入條錬到幫助挖礦，又係有息收既，今次fair d，本金唔駛睇「一對」加密貨幣，睇翻自己原本入嗰隻貨幣升跌就得，正路好多！

典型例子就係以太坊，近日既「上海升級」後，你質押入條信標錬後，終於可提返出泥，一直以嚟係唔得既，而家叫做常態返，但都限住每日提走的總額，你攞錢要排隊！

以太坊呢幾年嚟，挖礦方法由PoW轉做PoS，係大改造，似你要由男人變做女人咁，幾年泥不斷所謂「升級」，就係逐忽逐忽咁改造，而家終於變做真女人。

但亦因以太坊的帶動，呢種質押憑證會引發新一波的潮流，各「中心化」區塊錬又嚟呢招！於是各錬也用自己隻幣來做質押憑證，又開始熱炒各幣了，咁邊條錬最多人質押，就最當炒！

我熱愛的Bitcoin Stacks也可以用STX質押，且得美國SEC approval，正因如此，我極睇好STX，潛力無限！

最關鍵係，當各條錬質押到好過癮時，美國SEC 就嚟料，話全部違規！

只剩STX 能獨善其身。

你可能會問，咁呢d野係咪扼人㗎！？

唉….. 你投資，唔好咁懶啦，自己硏究下，你盲跟，乜都扼你！