Zuckerberg 從來都不尊重account user！ 

雖然Thread 似贏了個開頭，仲吸引左唔少大牌子喺佢嗰度賣廣告，但我真認為呢d好兆頭只係曇花一現。

因為當今網上社交平台的文化，已進階到另一個層次。上十年的social networking site，目標係「聚人」，邊個平台聚得愈多人，就愈成功，最後面書和Twitter贏了；那個年代，呢d平台既用家只係跟大勢加入，既然個個都有一個面書account ，我豈能無！咁咪好易被邊緣化，所以必須入鄉隨俗，人有我又有。平台用家只是隨波逐流，沒有個性可言。

呢個階段，社交apps 最重要係迎合普羅大眾既口味，抖音和TikTok既出現，令到呢個浪潮走到最高峯。

然而同時間，開始有些社交平台慢慢浮現出「品味」來，像Twitter同Discord，好多人政商名人在該處發佈近況與睇法，令呢d社交apps 既權威性有一定既提升；而account users 亦逐漸自發性「歸邊」，專為某些特定課題（如加密貨幣或NFT)進行探討，久而久之，他們以作為這方面的參與者為榮，他們不像過往那些人云亦云既附和或跟隨者，而係自身有種「態度」，要跟其所屬社群一起彰顯獨特性。如果你有留意身邊一些常用twitter 既朋友，而佢地又有較多subscribers 既話，你就會見到，佢地喺使用社交Apps 方面好有脾氣，「不與培塿為類」，特別賤視TikTok，會稍稍自況清高些。

不要說社交Apps 那麽遠，就是我們的投資Telegram 群組，舊生也自豪我們這些group 不似坊間那些投資群組般，別有用心想套組員買甚麽，我們的群組就只有純純的討論，亦因如此，大家都怕入了些非同道之人，沾污了個group。

看！當下參與社交網絡平台的人，是有要求的，亦容不得個apps 亂咁block 佢地accounts；面書之所以走向沒落，就係因佢亂咁封人account，大家都一肚氣！「你面書當我係乜！要革扯我就革扯我！」而且，係毫無先兆和原因。

聽聞面書想學google 咁推出創作者共享收入模式，我無細理，因為我不喜歡面書一向既專橫作風，好不尊重人！費時比佢侮辱！

我唔知Thread 既定位係乜！若是十年前那種老套的通訊應用，下場就會像現下既Facebook ；但若真想走Twitter或Discord 的專業路線，那便需要這類人積極參與；但倘若上述亂咁封人account 的作法在Threads依然存在（照理也存在，因通用同一個IG戶口 )，這些有脾氣既人，絕不會轉會！

他們會說：「Zuckerberg你算老幾，我絕對不會過嚟比你封我，我豬狗也不如嗎！」