Threads 連垃圾也不如

有舊生問美股META 值得投資嗎？我認為：不值得，千萬不要高追！你要高追，NVIDIA 吧！

最近META 股價不斷攀升，是因為Zuckerberg 出了個Twitter 「別語版」叫Threads ，我之所以叫「別語版」，係因為Twitter 喺英語世界極受歡迎，Threads 既market niche 係針對其他語言，我喺香港，就覺得META 出左Twitter 香港繁體版咁，就係咁多。

Twitter 的英語世界，根深蒂固，咁多年嚟，好多外國政經猛人同各專業既翹楚都喺嗰處發放消息，大家都習慣喺twitter 睇佢地既updates ，而twitter 一直都無出問題，咁 d 英語users 點解會突然搬過去threads 度呢？一模一樣gor bor! 轉會泥做乜！真係上屋搬下屋唔見一籮穀；而社交平台的轉移，就唔見左一大批支持者，所以，我覺得threads 動搖唔到twitter 既英語世界地位，更加唔駛旨意郁到Discord 呢d專業社區。

咁Threads 喺其他別種語言既社區得啦啩！都唔得！大家要知道，點解過去十年IG 咁紅，特別受新一代人所喜愛，係因為好多年青用家唔太愛看文字，有張相加小小字旁述就夠；呢個演變，已經令大家有咁既歲層共識：就係老一代先會用facebook ，年青一代就用IG，再青d一代就玩抖音同TikTok；事實上，社交平台既社群喜好和慣性不斷在演變中，向前邁向，但Zuckerburg 竟然毫無創新地走回頭路，意圖帶大家回到廿年前facebook時代咁，你話out唔out！

你問問自己，你download 左個threads 後，除左接受左朋友邀請，你有無刻意開嗰apps 嚟睇下朋友近況同留言！？老一代咪又係睇翻facebook ，而新一代咪又係碌翻IG d stories。

Zuckerberg 再試下幾個月後喺threads 落埋廣告吖啦，就更加無人想用Threads 。

Threads之所以有破紀錄的下載數目，係食老本，借助IG 原來既龐大社群，真係話都無咁易下載！download 個app 然後接連翻IG account ！實多過ChatGPT 早期下載數目架，後者技術性高咁多，而且又要登記又要睇地區，開頭梗無Threads 咁墟冚！

Zurkerberg 創新能力係零，元宇宙失敗左就嚟抄Twitter ，毫不尊重原創，亦對科技作出侮辱，我不喜歡這傢伙，亦不睇好佢間公司既發展，當下股價攀升只是曇花一現，虛火而已，Thread 既使用亦會好似MeWe 咁，只係得一陣子既潮流，bandwagon 而已，好快就打回原型。

如果元宇宙是垃圾，那Threads 便是一堆糞便。