Silent Hill 3: 親海駅 

昨日黃昏親海駅I出了第一張價，每呎約在14000至16000之間，跟上一張價單差不多。

但要注意，開價既單位屬於極低層，11樓或以下，屬於呢個屋苑（我意思係由地鐵行到呢個屋苑）既「Silent Hill 」範圍。

油塘係工業區，出出入入好多工業車田螺車，海邊又有料船，真係沙麈滾滾，沙麈會沉積；所以，基本上低層同高層係兩個世界，特別向海嗰邊。

高層我相信價格會去到17000或以上一呎，當然，我估啫，如果誠哥覺得費時煩，無謂拖拖拉拉，賣大包16500出貨，就真超值！

天下圍攻李嘉誠，誠哥呢個盤，坦白講，唔算優質，地段亦差，但佢一鎚定音，定了現下最低新樓樓價，縮窄左其他發展商定價的空間，佢地呢半年，只可以依誠哥呢d價再以自己樓盤質素按百份比加上去。

直到農曆年底，大家計樓價，再唔係話同之前比較，而家折讓左幾多，而係相比親海駅，高左幾多！