NVIDIA 重有排升!

我努力學習科技有幾個原因，第一個原因亦係最重要，我鐘意幹實業生意，而今天無一門生意唔使科技既，我要「不求人」，就要自己學；第二個原因，較次要但依然重要，我認為今天投資股票能賺大錢，必定係各類科技股，咁「原來你能挑」，必定係你掌握到科技發展大勢。

不過，講就咁講，追科技真係追死人，當我重未深入追上AI這課題，「輝哥」（NVIDIA)已升了，佢好野！

再不過，既然走左一次雞，而佢似乎潛力未完，咁即刻跟進，為時未晚！

行數據運算，必定要用GPU，PU (processing unit )有好多款，除左電腦基本嗰粒百搭用既CPU，重有其他專門用途的「PU」，而現今人工智能，需要輸入龐大數據塞落部機器「學習（即係運算）」，而輝達就強於製造呢類專門GPU晶片，強到基本上所有雲端服務都用緊佢，包括我用開既AWS 同Google cloud platform，Azure當然有用，阿里巴巴、騰信、甲骨文呢d大公司通通都有用佢，因為各雲端而家爭住提供AI服務，就需要同輝達買好多好多好多（要寫三次先夠）呢d 專事人工智能運算既GPU 晶片去建構佢地既龐大數據中心，因而做就了今次「輝哥」的業績同股價。

其實，每次的新科技出現，都必須突破一次運算瓶頸，而輝達每次都可以躬逢其盛，分一杯大羹，二零一八年比特幣挖礦高潮，個個礦工都爭用輝達GPU顯卡，已經令呢間公司市值翻左一翻，不過後嚟美國SEC 話佢將呢d營利亂入帳，罸左佢一鑊金；自此之後，「輝哥」就好憎加密貨幣，劃清界線，專注人工智能的晶片發展，而家終於守得雲開見月明。

我呢年嚟成日話蘋果既黃金歲月快完，咁接力係邊間公司呢，照趨勢睇，似乎應該係AI百業之母既呢間「輝哥」囉！大佬，連電動車d電腦底板都用佢粒GPU，即係幾近無處不在啦！係神一般似的既GPU了！重有！日後手機應用必定有AI服務，咁即係又要粒強勁GPU啦！輝哥～～～～我們手機界需要你！

如果真係咁，以蘋果股價十年前起步升上嚟睇，輝達仲有排爆升！

P.S. 有舊生想知GPU 同CPU 既分別，我另文詳解其結構。啱既！投資，要認識得細緻d！