NVIDIA 爆上到2000美元一股不是夢 ——— Steve Jobs 要上老黃身

NVIDIA 現價每股已過800美元，有些人認為已偏高，甚至有些美股初哥舊生問我其價已到「這麼高」，仲可以入？

大家入不入NVIDIA 是自己事，與我無干，自己決定，我無必要說服大家買嘛！NVIDIA 現在是超級世界股，不是貨歸晒邊既三線港股，你買左我不會好左，不買我又不會損失，自己向自己投資負責，不要信我。

我只將自己所想寫下來，你覺得有可讀性就讀一讀。

我認為這幾天已有一個具大新因素出現，催化NVIDIA 股價狂飈！

就是APPLE 放棄電動車開發，重回本業，專心引入AI 到它的智能手機；這情況，猶如Facebook 放棄搞垃圾元宇宙，重回本業，所以APPLE 股價也有可能爆升。

有可能啫！但講到最實在爆升既，我就認為非NVIDIA 不可！

但凡任何品牌大搞AI ，就必定要NVIDIA 芯片；大家也常說，蘋果最強就是它的社區生態，這生態不是Tim Cook 弄出來的，是Steve Jobs ；那麼，當蘋果要大攪AI，亦即是Steve Jobs 下凡上埋老黃身，嘩！得了！盤生意大到嚇死人！

蘋果想乜野都自己開發，但自呢次電動車同Vision Pro 既失敗（後者其實已經失敗，叫做出件產品交待下），佢地開始明白唔係乜野都可以獨霸既，更何況有咁既霸道只係Steve Jobs ，佢都死左十幾年啦，Tim Cook 無呢個本事，佢只係將Steve Jobs 的影子盡量延伸，絕對無可能食過人地既影子度。

特別係老黃既影子，人地開發AI 芯片多年，你APPLE 想自家製AI晶片，根本無可能；於是，必定要直接或間接找上NVIDIA 入手芯片。

APPLE 雖然有錢，但都應該買唔起NVIDIA 啩，係嘛？

咁咪啫係蘋果的超強生態社區結合NVIDIA ！咁你話，NVIDIA 股價唔癲升有鬼！

我相信NVIDIA 都好快要分拆，股價升到劃時代咁，唔拆點得！