JPEX 愈挑釁，香港這班「代理人」愈糟糕！

香港法規下，作為加密貨幣既交易平台，喺香港營運，做香港客戶既生意，就必須申請牌照；但JPEX 好狡猾，平台在海外，基本上無人知佢地喺邊度運作，喺香港根本就無實體營運既辦公室（掛名嗰d空殼公司唔計），所以警方要捉拿核心主腦，根本無從入手，老鼠拉龜！

所以JPEX 依然故我，繼續營運，仲變本加厲，玩DeFi 都未夠，仲玩埋DAO(絕對違反證券法)，雖則大家而家都知呢個平台，錢有入無出，我估無人咁笨再入金，但JPEX明顯在展示姿態，向港府監管機構挑機：「你拿得下我嗎！？」這班領頭人物是否港人也成疑，若不是，港府更無人可捉。

可憐香港那班接頭人，像林作和陳怡，既是香港人，更開埋實際檔口運作，仿如JPEX 的授權分店般，結果，手照足夠證明他們犯法，這違法非同小可，警方根本視他們為JPEX 在香港既代理人，當足他們係JPEX，只要佢地從JPEX收受極不合埋的回報，呢個「溢價」就足夠證明，佢地知道JPEX 喺度做緊d乜野勾當，無得扮無知；林作妙想天開，想反客為主，站喺受害者一方，但警方唔係咁睇，你明明就係騙徒之一，別想假扮為受害者！

有d人話佢可做污點證人，但證邊個？佢英文好，證明JPEX 4個英文字點讀？

林作已知今次大劑，亦明白（亦不再天真）再在互聯網胡言亂語沒意思，所以，保釋後便潛水，我相信他以後也會極低調，一改以往網上語出驚人既風格，除了當前保䆁期有需要這樣外，是他學乖了，他終於長大成人！終於明白地球點轉。

至於那位陳怡女士，保釋後即出youtube 片，不過佢都唔敢挑機，只係說東說西而已；坦白講，港府而家被JPEX 氣惱了，呢班替死鬼都係最好不要太多言，否則，懊惱發洩晒喺佢地度，就真係自討沒頂了！

現在，叫得出名既受牽連港人，甚麼加密貓、甚麼東記西遊新疆，甚麼弊老等等，應該在逃著草中，因為他們是港人，警方誓捉之！

JPEX 不會照顧這班人，佢地收得JPEX 咁多錢，就要受，JPEX只會越發挑戰港府的權威，難為香港這班大小艇仔，成為代罪羔羊，被狠狠發洩。