JPEX 大話連篇，還夠膽胡扯跟監管部門既關係，真沙pot!
2023 年 9 月 16 日 | 千語德財
我一直也少留意JPEX，雖然我絕對是個加密貨幣愛好者，但JPEX作風令我嗤之以鼻，道不同不要說相為謀了，就是相鄰我也不願。所以我不太知道JPEX 發生甚麼事，只知它有一班KOL 唱到好恆！就連一代紅人林作，也曾搶著想做JPEX 既partner!
我注意它，是這幾天開始的事。
但我已發覺，JPEX 都幾大膽！
如果你搞既係電騙，無人知你行蹤，甚至你處於連當地政府都管唔到既地區，咁你喺香港電騙中胡扯甚麽都奈你唔何，甚至拖埋香港d政府部門落水，港府要跟進都老鼠拉龜，唔知點入手，實在難以撲滅呢d罪行。所以，我地成日聽到冒稱人民入境事務署的電騙電話，我地只能自求多福，醒目d唔好被呃。
但JPEX 不是電騙，是交易平台，但你見佢d通告，講到似層層，一時又話同證監溝通中，一時又話等待證監回覆進一步的指引，但明明根本無接觸過證監，明明係無賴到唔肯出金，但居然可將責任推向證監，迫得證監也出通告澄清。真係咁既大話都講得出，JPEX 的膽大包天，我看得儍眼！我咁大個人，真未見過有間公司咁沙pot，亂以政府部門之名，明目張膽向公眾托詞說謊。
現在所有相關的KOL都人人自危，畢竟，連警務署長都出嚟將JPEX定性為詐騙，咁案件已升級，已經不是投資產品違規咁簡單，是滔天大罪行！而因應這個定性，所有曾因客戶投資於JPEX 產品而直接受益（譬如佣金收入）的人，都大有機會牽連在案件內，視為共謀之可能，佢地唔驚有鬼，所以，你見林作尋日咁大動作，就係呢個原因，佢要理清自己既角色，都係受害人。
唯獨只有那個甚麽叫陳怡既物體，佢既群組仲夠膽死喺度胡扯，仲扯到上政治層面既國安局…….
我心諗，呢班乜野人嚟架，點解可以咁夠薑，乜都講得出！