Intel 無論個人電腦的 CPU 和人工智能的GPU 均失勢

既然已探討了NVIDIA 同AMD ，總不能不談沒落中的晶片帝國Intel 。

過往，Intel的PC 處理器由設計、生產和裝嵌都係由自己公司一手包辦，當中所掌握的科技，領先同業至少兩至三年，亦因為咁，呢間企業，就開始因循保守，不思進取，處理器的迭代更新像擠牙膏，升級緩慢。典型既例子，當Intel 推遲7納米芯片至2022年年尾，佢既對手AMD已經透過台積電的ORM 代工服務生產7納米芯片，並早於2019年夏天已經開展銷售，落後足足兩年，極為離譜！

直至蘋果近年Mac 機放棄使用Intel 晶片，而採用基於ARM 架構所設計的自家M 系列處理器後，後者運算效能以倍升，Intel 先如夢初醒，趕急直追。講到ARM框架，Intel 一直都無放喺眼內，畢竟高通（Qualcomm Inc.)都曾以ARM 框架為Windows 機設計晶片，但並唔係太成功，咁就促使Intel 進一步目空一切，誰知被蘋果突然將佢殺下馬來！

而Intel 對 AMD 的讓賽，亦已讓後者蠶食了PC 市場顯著的市場份額，2022年第四季，AMD 的x86 架構處理器市佔率已由一年前的28.5提升至31.3%，而到本季，已經達市場份額1/3了；另一方面，AMD 亦不斷搶走Intel 資料中心的生意，問Intel 死未！

從呢個角度，AMD 雖然喺人工智能的GPU發展方面遜於NVIDIA，但喺PC處理器市場就愈來愈得意，從公司分散風險角度而言，一旦人工智能熱潮減褪，AMD 就免於首當其衝，而仍有PC 處理器（包括CPU 和GPU）產業可持續搶佔其他機遇。所以，我個人認為，AMD 處於中庸，穩打穩扎！

反觀Intel ，無論PC 的 CPU 和人工智能的GPU 均失優勢，前者備受AMD威脅而後者則完全跟不上NVIDIA，難怪喺過去一段日子NVIDIA 和AMD 既股價攀升既同時，只得Intel 獨憔悴。