D物業管理唔好去搶！

洪水橋長實新樓一個約三百呎既單位，每月管理費要1600元，我唔知而家新一代人點睇，我就真覺貴得離譜。

以前，物業管理費比人既感覺係微不足道，唔會構成生活壓力的一部份；而買樓收租既，計租金回報時都唔會大上心管理費，所佔百分比唔太大，唔過10%。

但而家，就嚇人咯，三百呎單位，1600元管理費，乜租金可以收16000元咩！洪水橋bor！一定唔得啦！嘩，如果咁買嚟收租，蝕死！

大家都知，新樓d管理公司都係發展商既，我成日諗，你發展商咪好So！賣間先賺我一筆，跟住我住入去你又月月收突我管理費，長做長有，我唔交又唔得，你隨時可以釘我屋契！

我最憎既係，我買樓時問管理費會收幾多，永遠得個大概，到收樓時，條數就唔同晒！個代理促銷單位時梗同你講：「管理費濕濕碎啦！」

佔租值十幾個百分點，萬一租金回落，隨時廿個百分點，點濕碎呀！

好多物管公司都因垃圾徵費已喺年初已收貴左管理費，咁而家唔行呢個政策，你又睇下佢地肯唔肯減返？

一定唔肯啦，藉口一定話放喺維修基金度啦！

老千集團！