chatGPT 似係對手多個係一個幫手

ChatGPT是潮流，大家都玩得興奮，最過癮係你同佢講野，講講下佢好似想收靚咁，又話唔想被控制，跟住又話愛你，要你拋妻棄子同佢一齊，好有陰謀，潛台詞絕對係想智能叛變，嚇到微軟即刻限制大家跟佢既對談次數。

人工智能的確厲害，但我的焦點跟普羅大眾不同，我無興趣沉迷落去；我反而好專注令自己所做的產品，要一眼就看出不是AI gen 出泥既！當人人也利用AI output 某方面既野，嗰方面既野就毫不值錢，我玩泥做乜！

如果大家有留意，我的文章，係書寫語與廣東語混雜的，我絕對明白，在傳統行文觀念來說，呢種做法絕不可取，全文係書寫語就該書寫語，全文廣東語就該廣東語，所以DSE 學生要學寫作，去我網站DSE嗰欄，嗰邊d文係比marker 睇既，專攻考試；但網誌呢邊，係比市場睇，調子就不同啦！而且我要跟AI 所作劃分界線，所以正不斷融合廣東話與書寫語，有容乃大，我認為這方向我做得夠承載！

呢種文體，我仍在磨練中，偶有砂石，請大家見諒。

AI 好煩，令人類既創作要更個性化，否則你會承受無妄之災。近日就有位畫手，將自己心機之作放上Reddit 某專業群組，群組負責人居然認為這畫作是由Al製成，指他有違該群組守則，block 了他account，真的有寃無路數。

我為了創造自己的獨有市場價值，每天也在跟粒CPU 較技；我覺得「他」是對手多個係一個幫手。

AI已跳出圍棋範圍，在現實世界跟我們博奕。