Bing 會「老作」和「示愛」呢下恐怖

如果大家有留意我的文章，會感到我對chatGPT所製造出來的束西，並不太信任；無巧不成話，有「互聯網之父」之稱的Vinton Cerf亦提醒大家不要因ChatGPT爆紅，便對它趨之若鶩；雖然他是Google副總裁，是有點利益衝突了，但畢竟他德高望重，又是網際網路首席顧問，其說話自有一定的份量。

事實上，由人工智能gen 出泥的文稿，驟眼望好似幾好咁，但若你細緻一d睇，其實仍錯漏百出，語景怪怪的，行文風格欠一致性，若要我再浪費時間睇多一次改多一次，咁不如我自己由頭寫過，還痛快點！

過去幾天的報導亦已告知我們，不只Google 的「Bard」會出大錯，Microsoft 的新版網路搜尋引擎「Bing」亦錯漏百出，如Bing 聲稱其中一款手提式寵物吸塵機的電線長度為 16 呎，但實際上該款吸塵機是無線設計；更恐怖既係，Bing 會「老作」資訊，當Bing 被詢問墨西哥有何夜生活時，它給予的酒吧和俱樂部開放時間表全是錯的，最離譜既係，重話有網站可供用家瀏覽；到我的老本行經濟數字的分析，Bing 比較Gap 和 Lulelemon 財務報表時，竟然舉出了公司實際文件中沒有出現的營業利潤率，咁都得！？如果咁睇，人工智能比人類做野重亂籠！你唔識咪唔識，講咪得，你亂比資料我咪害死我！

最頂癮既係，有報導話，你一旦同chatGPT私聊，傾下傾下佢會話愛上你，要你同太太離婚，大佬，你CPU 一粒，咁大件事，起碼都cyber sex 幾次睇下夾唔夾先吖！

Vinton Cerf更帶出一點，除了chatGPT 本身未成熟外，人心對人工智能亦不見成熟，人們太輕易相信它的大能，甚至高估其可帶來的回報，進而盲目投資，為日後種下過剩及無用的產能。

人工智能還要「學習」的，不能一步登天，人類還要點耐性。

所以，直至現下這一刻，我地貪得意玩下chatGPT就可以，但攞泥交工夫比人，可真要三思！