Apple 既 Vision Pro 果真夠「劃時代」

我覺得Apple 既新品Vision Pro 絕對係劃時代，係Apple 自劃時代完結既開始。Elon Musk喺Twitter 譏諷Vision Pro：「不如買包迷幻蘑菇」，就連Apple 自己發表後也覺不妙，量產砍單九成，自己都覺呢件新品會極速收皮。

Vision Pro 有極大含義，佢話比我地聽，Apple 既產品創新能力係零！只係不斷食老本；我知道，蘋果產品仍值得一用，我真係知道，譬如由於Mac OS 同Linux 同出一母系，編程方面佢的而且確有佢既方便同靈活，而手機既流暢度亦係最好（我唔識打機，但打機既人話我知，用iPhone 打機唔會死得寃枉）但呢個係現況，如果未來蘋果真的不曉創新，十年後，產品點流暢都係obsolete。

網上開始流傳iPhone 15 系列既設計，如果呢d報導係真既，我真睇唔出同iPhone 14 系列有乜分別，我想強調，用iPhone 既人係普羅大眾，你蘋果升級d「專業」位係無意思，做唔大。反觀昔日Steve Jobs 構思產品，係從普羅大眾既需要著手，而唔係主力entertain 專業人士；當然，呢十年，蘋果都想喺呢d普羅需要上做d創新，但真係只有Steve Jobs 得天獨厚有呢種天份，於是只好喺功能提升方面著手，d機愈做愈專業。

2018年，九月新出既iPhone ，首日下午即炒燶，自嗰年d人就話iPhone 無得炒，我2020年年中不斷講嗰年九月既新iPhone 有得炒，好多人就話「唔會啦」，結果嗰年既下半年，大家炒得喜喜洋洋。

今年，直至呢一刻，我認為今年九月部新iPhone 一出就會燶，個個又話：「唔會既，點都有得炒下既，起碼有兩星期。」

我認為今年，2分鐘炒下都無。