Apple 大勢將盡

某次，我在Starbucks 拿出電腦跟進一些程式事，無意中看看其他客人所用的電腦，全是蘋果，而我，是普通的Samsung AMD 機，Galaxy Book而已，加上他們年青很多，相映之下，我就特別顯老了；可能是我心理作用，感覺他們偶爾斜著眼看一下我所用的筆電，有點非我族類的排斥。

個人認為，蘋果這間公司，甚麼也開始落後，只剩下品牌形象；但這已足夠，夠這間公司大搵特搵了，喬布斯真厲害，那股氣場，至今仍影響著數代的人。

十年前，我在自己的趣味投資班亦曾分享，要買蘋果這隻美股，真係盲都見到，Tim Cook 有殺錯無放過，任何小眾市埸也不放過，絕不留任何「尾巴」給其他同業，其他公司如Samsung 和Sony ，只成為賣零件給蘋果的二流角色，蘋果的潛台司是：「你們用心開發新品種，技術成熟我就來買！」連收購也懶得，用時間坐收漁人之利重好。

江山代代有人出，個人認為，蘋果在未來十年氣數將盡，代之而起是甚麽，我不知，但依其發展趨勢，不見有甚麽大作為。

我是有本M1 Mac Book Pro 的，但真重，要我狽呢夠「鐵」出街，咪攪！你可能會說，可用Max Book Air 嘛？我想問，咁同普通intel 機有乜分別？你都係用返office 360 姐！我喺屋企，隨手拿部機出來工作，好自然都係拎部Galaxy Book，唔係要學X code 或C++ ，我都好唔情願用Mac Book，你話我老氣蹤橫都係咁做架啦，改唔到習慣。

好坦白講，如果唔係只得Max Book Pro 行到X code ，我唔係好願買呢款機，又貴！大部d 16吋就要過2萬，好貴呀！

如果你話M 系列行得好快喎，但INTEL 同AMD 都追上啦！我等機壞咋，壞左我就去買Samsung Galaxy Ultra i9 奔騰下！

重有，你要咁快做乜，你又唔係大剪片家，用office 快極都係咁架啦！又唔係只得Mac 機可以用 Adobe cloud！

我唔打機，但好似話打機都係AMD Ryzen 系列好，唔知係咪啦。

蘋果，一種品味的迷信。

我唯一唔想買既notebook ，係Microsoft d筆電，同樣行相同粒intel CPU，surface 系列好唔襟用，維修又麻煩（Samsung  維修部在旺角朗豪坊，真方便），比佢搵過幾次笨後我怕怕啦！