日本這個國家移居好嗎？

日本這個國家移居好嗎？

舊生問我。

我的睇法係：除非日本當地公司有offer 比你，待遇又不錯，咁樣你可以考慮下；又或者你有計入籍，成為佢地既國民；否則，我不會揀移居日本。

大家真要分清，去日本玩同去日本生活，兩碼子事。

先講講日本既經濟，今時今日，一國之經濟，同科技息息相關；咪以為日本係科技大國，呢個國家其實好屌詭！表面上科技好似好先進，但一旦你深入其中，你會發覺佢地好多工種重係「手抄」緊，你試下去馬食町批發區登記做會員，嘩！張application form，上世紀七零年代咩！好有日本feel，但亦好得人驚；另外，好多人重係科技盲，連鍵盤都唔識用，試問咁樣的國民水平，點樣唔繼續「失去」。

你睇Sony 手機，真係已跌入「other categories」好耐啦，我直情已經唔覺佢有手機出。

當然，人口老化更是經濟低迷的催化劑，真係d人老死到偏遠地方無人住，呢d野相對既，我地成日話中國狂起樓製造好多死城；日本，就狂老化，d樓一樣無人住，都係死城！

老化的國家，唯一居住的優勢，就係你夠老，可享日本的老人福利，但你入唔入到藉先？你委屈d娶個架妹或嫁個架仔都唔比個國藉你呀！ 咁我跟日本戀愛博乜！？（別被日本AV 片誤導，以為佢地身手好好，可以多角度鑽營）。

再者，日本的職場文化，做過你就知甘，規矩多多，超時工作到暈！

所以，去日本旅遊我好ok；但居住，呢d民族大意，利之所至，咪攪我！