每天都在搵「老細」！

網上近半年泛現一種商業手法，不斷強調其生意模式有好多客，佢地做唔切，要搵幫手，更美好地說要射埋客比你；當然，佢地會美其言，話要保持質素，唔會立亂推介客比你，要你「學好」佢地套甚麼巧立名目既系統，重點就在這裏，要交學費啦，甚至須繳付特許經營費用…..

呢d「系統」覆蓋好多範圍，包括經商、投資和心理輔導……

明眼人看到這些廣告當然嗤之以鼻，你有盤好生意，客似雲來，點解唔自己做大盤生意食埋佢；好啦，如果你話無心力搞大，咁咪加價咯，一樣美好，做乜要分出去！

人性、人性，就是這麽虛偽，明明自私到一個極點，但形於外，卻裝出一個菩蕯心腸，到日子一久，你已被食盡，對方就露出原形！

這些手法，入了坑後最難受的就是對方最終變臉的一刻，錢已白白付出了，下場還要被揶揄或冷淡對待，何其淒涼！

我不會說這是被騙，因為當初人地搵「老細」，口甜舌滑，而你又耳仔軟，動了純真，相信了，往後發生甚麽事，也是你自討的，你必須承受最終的結果：「原來我不是「老細」，是一個賤得無人理會的No body!」

每時每分，世界就有很多人在搵「老細」，用不同的包裝，不同的姿態，不同的笑臉，引你落疊，我們要當心。

有次Telegram 群組談到尖東開返大富豪，大家討論有無得做㗎而家？有位舊生說脫了口：「咁都比佢地搵到老細掟錢落嚟投資。」

說出了世態炎涼。