Google 股價正蓄勁待發

因為要揀選美股來投資，我非常留意人工智能的發展，現階段這範疇在熱炒相關的晶片，即重心仍在上游產業，那我們不用楝股了，跟勢買入Nvidia 就可，真的毫無懸念。

現在是要發掘中下游產業股價仍未爆發的股票，正因如此，近日我特別留意三星最新出的Samsung Galaxy 24 Ultra ，不是因為它終於打破年年各品牌旗艦都係悶屌地升級相機的軟硬件功能，呢方面升級我真覺已經好無聊！我又唔係D咩專業攝影師，網上post 相用咋嘛，幾億萬像素對我真無乜大用；當然，Samsung 轉向以AI 提升軟件功能，焦點包括 Circle to Search、通話實時傳譯和圖像編輯等等，的而且確別有新意，起碼部手機多D野玩。

不過，我最關心既係，Samsung 採用既AI 服務係同邊個合作。

由於Samsung 都有自家製既大型語言模型「鳩屎(Gauss)」，所以當初好多人都以為Galaxy係會採用返自家AI 野，但事實並唔係咁。

根據 Samsung 官網公佈既資料，Samsung Galaxy 24 Ultra 既AI ，背後係由 Google Cloud 的先進人工智能所支持（我而家都好努力硏究緊Google 呢D雲端功能），使用 Google 既Gemini Pro 多模式語言模型，並且會用上 Imagen 2 文本圖像生成既擴散技術。

最重要既係，Samsung 其他系列手機都會陸續用上Google 呢d 雲端AI服務（可能級數會有分別）正正話比我地聽，AI 的實際應用已開始實現到中游產業度，唔單止Google 受惠，亞馬遜都努力開發緊呢d雲端AI服務，當然唔會少得Microsoft ！

呢幾隻科技股，我認為喺下一輪美股升浪股價就會爆上，即係過左農曆新年後。