我沒有賭命，所以只能沽期指。

有些舊生很坦白，說自己有賭癮，所以會買牛熊證，更打趣叫我不如開個期指telegram group，想學「深」些點賭法。

我一向很樂意開group ，不過，今回就當舊生只是說說而已；而我，真不願開這種大重「賭味」既群組。

不是我故作清流，而是我自少已知道，我跟賭無緣，我一向無橫財命，命中註定要腳踏實地努力工作，上天才會給我多點機遇；至於偏財命，在我身上丁點兒也挖不出來！

有些人，很有抽奬命；而我，老早已知，但凡抽獎，定無我的份兒，所以從未有個這方面的𢔛存之心；真的！我的運氣是這樣，如果有十張牌要我抽隻Dee 出嚟，我一定要抽到第八第九隻先抽到；所以，我從無興趣買六合彩，買左都唔上心去對，因為一定唔會中；至於澳門酒店的賭場，我只會當通道經過，從不逗留。

我玩過期指，但因自知沒有賭上落既運氣，所以只會沽，來對沖實股；其實我只是想明白期指的操作，畢竟上半生專業於經濟與金融，無理由連期指都未操作過，咁太失禮。

對於期指，我唯一既意見係，你如果真要賭，咁多𧗠生工具中，期指係最Fair，牛熊證尚可接受，至於輪證，就最搵笨！

你要賭，都唔會搵張輸打贏要既賭枱啦。