中國經濟無可能像日本般沉淪三十年

網上成日有「專才」吹噓自己有一套做生意既「自動系統」，可令老闆不用打理日常公司業務，悠哉悠哉地有自己生活，又或令生意倍增。

我從來都不相信呢d野，不相信既重點在「系統」，呢兩個字聽上嚟好似好勁，乜野都有程序緊扣住，再加上「自動」喺前面，勁呀！連成個生產秩序都唔需要刻意維持，咁仲有得忙！人生就是那麽清閒！躺著見生意做大，真係諗下都興奮！

任何系統，一定無完美，好多時呢d「自動機能」會出現佢自身既問題，日積月累下，長遠後果更堪虞。譬如公司有套系統管理人事，短期可維持一定的秩序，但可能呢個系統存在好多不公平既待遇，時日一久，怨氣就累積起來，隨時一個微細的觸發點，就引發難以想像既災難，典型的例子就係d大企業的工業行動，好似d航空公司成日都有罷工工潮。

系統好難同時鉅細無遺咁跟進所有目標，如果一套自動經營系統可以今你生意爆數，就耍小心日後成本會被放大；老實講，我好難相信有個系統令你唔駛做，你又會好放心既！起碼我會擔心系統內既人會另起爐灶，你做老闆乜都唔駛理，但總有人要理，理得多嗰個人，佢會唔諗野？「彼可取而代之」嘛！管理權必定要牢牢控在自己手中，無可能無野忙。

唔好誤會，我唔係話系統唔好，系統一定要有，佢的而且確增加程序的穩定性同結果的確定性，一切有規律可依，既具效率，擴展又容易，真係有助你做大盤生意；但我地唔可以迷信系統，因為佢亦會帶泥另外一d管理問題，我大學讀工管讀過一本好書，叫「Structure in Fives」，就係教點建立系統，但當中更重要既訊息係：你要維護呢個系統，你仲忙！

以小喻大，市場運作亦都係一種系統，社會尤如一間公司，整個運行由好多既文明法理所規範，而其中的金融運作，充滿投機性和高槓桿，往往運行十多年就出問題，爆發金融危機；上世紀八十年代日本就係例子，躹信呢套運作，結果1990年爆煲；但日本人最笨既係，明明已見到呢套法規文明充滿局限，仍依循下去，仲愈泥愈僵死，但從來無諗過作出根本性既經濟制度改革，以致先來十年既失去，再嚟廿年既沉淪，前後共三十年！由昔目富甲天下到今天國民窮得交關。

有d分析者認為今天中國經濟所陷既困境更甚於昔日既日本，這點無可否認，因為今時今日既經濟泡沫要複雜得多，起碼上世紀未有量寛呢家咁極端既干預手段，但若說中國經濟會跟日車般衰足三十年……..

我不敢胡亂作結論，但大家認為，中國會像日本般僵化地死守一套制度！？