今年嚟以太坊d項目好靜！

有無留意到，踏入2023年，以太坊條錬上面d項目，靜得出奇，一反過往經常有話題、有焦點既手法，唔係質押，就liquidity farming ，一係就NFT ，今年真係乜野焦點都無，照理，以太坊完成左終極升級到PoS，條鍊應該都好多搞作先啱，但真係好靜，點解呢！？

無他，因為美國SEC 正針對緊去中心化生態中一切抵觸證券法既行為，而基本上以太坊條錬上面10個項目有9.9個都有抵觸，又借貸又眾籌，唔駛攞牌既，恃住就係相關媒介唔係用法幣，係用穩定幣，而呢d穩定幣係由以太坊智能合約ERC 2.0 構成既，所以成個以太坊就好似個犯罪集團，千絲萬縷，SEC 有排解構。

亦都因為咁，以太坊上條錬上面d項目根本就唔敢輕舉妄動，免得一旦成為焦點，成為SEC 要開file 既對象，就大大鑊！

所以，你見今年d焦點，全部喺哂Bitcoin 條錬上面，甚麽Bitcoin NFT、甚麼BRC 2.0、甚麽STX 質押，因為呢d項目都緊守去中心化原則，唔似以太坊根本本身就好中心化，V神就係其中一位主事人，可以捉去問話，bitcoin d項目基本上無負責人，唯一有既去中心化自治組識（DAO）就係Bitcoin Stacks，但佢地既STX 質押已同SEC 攞左approval，有牌既，唔駛擔心SEC 呢方面既檢控。

此消彼長下，以太坊所有layers 既項目基本上都動彈不得；而比特幣既項目則可以繼續開發，甚至有後發先至既可能，所以我先睇好Bitcoin Stacks 既STX 。

當然，喺去中心化生態中開發智能合約同NFT ，唔可以好似以太坊中心化咁行得咁快，要多d時間，呢個係比特幣條錬上面項目進程既最大攔路虎。

但SEC 跟以太坊錬上既項目都唔會係一朝一夕完成，我睇起碼仲有成年。

上半年，Bitcoin layer d項目騷動過幾次，我相信下半年都會有幾個焦點出現，到時STX 就有爆升既可能。