地產代理既語言藝術
2023 年 6 月 23 日 | 千語德財
有時都好佩服地產代理的語言藝術，好似以下呢段：
「Henley Park 我懷疑恆基睇漏眼開錯價，兩房竟然平過對上一期The Henley接近400萬！！有圖有真相，全港二手業主都唔會有個肯放件兩房平成四百萬，呢個盤真係買到即賺，今日正式開放現樓參觀，你明天去睇我可安排專車接送，希望你唔好錯過。」
呢段真係寫得唔錯！先突出發展商既貪婪係人都知，真係想喺佢地手指罅漏d利益比你都難，但居然喺Henley Park 睇漏眼，出錯價，咁低既賣價仲唔係雞會！咁未夠，再用二手業主的取態襯托一下發展商的超低開錯價，再動之以利，你肯買未！
同一件事，你用另一個角度寫，就變左另一回事：
「Henley Park 我懷疑恆基睇漏眼開錯價，兩房竟然平過對上一期The Henley接近400萬！！有圖有真相，但客觀事物發展，往往一不離二，又事不過三，咁即係發展商仲可以有兩次睇漏眼，咁今次並唔係最荀既機會，大家仲可以等下；更何況全港二手業主都唔會有個肯放件兩房平成四百萬，除非發展商帶頭減，咁急套現既二手業主就要焗減啦，咁我地大把選擇Bor，唔急同發展商買。呢個盤真係買到即賺，但下次買仲賺得多，再下下次買直情賺到爽歪歪！所以今日正式開放現樓參觀，無謂今次去睇啦，等下次先啦！」
世界哪有真理，真係任你噏，點講都通，睇你信邊個角度而已！
當然，有時由不得你不信，因為強權出真理！