SEC 既檢控帶嚟既啓示

近幾日，美國SEC正式檢控Binance 同Coinbase ，我認為係呢一波中心化加密貨幣平台既終極災劫，由此，帶出了三個極重要既焦點：

第一，亦係最重要，美國SEC 極有機會向以太坊開刀，由始至終，以太坊都係中心化，Day 1 佢集資既方法「ICO 」，就已經抵觸證券法，而其後所主倡既DAO，所謂去中心化自治組織，ownership structure 根本同上市公司極似，所以SEC 都曾經點名指出以太坊過往有違規的做法，萬一SEC 向以太坊開刀，ETH 就要大跌（難怪嗰位中國姑娘要同V神分手，大難臨頭各自飛）咁！你唔駛真等到SEC咁做，只要市場有預期，ETH 就凍過水了！

第二，我地真唔知Binance既終極命運係點，唔知駛唔駛解散，君子不立危牆之下，大家唔好留幣喺Binance ，呢一劫，佢未必渡過到。都係嗰句，既然我地咁諗，市場都係咁諗，群眾既力量，浩浩蕩蕩，Binance 點頂到所有資金撤走。

新一波既發展，係有向各地政府註冊既中心化加密平台陸續壯大起嚟，佢地目標再唔係違法地挪用用戶資金，而係想上市。

第三，基於以上所講，比特幣現在處於終極低潮，尋日見二萬五，今日又升返，但難保佢再跌，但睇勢頭跌唔深，似有大戶接貨，都極有可能，新一波生意人該會加入呢個產業，佢地需要比特幣做儲備，所以大家唔好係咁等，等過龍，錯過左平入既機會。

Bitcoin Stacks 既STX 係SEC approve 既，如果以太坊真係比SEC郁，STX 就升癲了，因為佢係Bitcoin 既「以太坊」，而家STX 極平，自己衡量下入唔入手啦！

經呢次加密貨幣大劫之後，再一度百花齊放既日子就不遠矣！