垃圾Vision Pro! 美國蘋果呢間公司無將來！

美國蘋果昨晚發佈會，正式發佈「蘋果這間公司已無可為」。

我地真係再見唔到Steve Jobs 既幽靈，連分靈體都散曬。

昨晚發佈既 Vision Pro ，你蘋果整到呢副AR既畫面幾靚、幾迫真、幾「浸淫」都好，大佬，我又近視又老花，你居然叫我要加副鏡片先用到，咁就死得啦！我有位舊生係呢方面達人，佢話蘋果差唔多將成部電腦放左入去，咁無意思gar bor! 呢副野係嚟「浸淫」架嘛，眼前外設有靚景靚效，但我深近視，點睇得到？應該要內外兼修，你蘋果應該諗辦法放部驗光師嗰部機入去就差唔多，放部電腦入去把鬼咩！

嘩！部野d續航力真頂癮咯，2小時！即係我睇荷里活大電影，當我唔睇尾部彩蛋啦，你都比我睇埋個結局嘛！好涼薄！如果係套「藝術片」，我「浸淫」到最高潮時，竟然要我去义電……. 燥呀！

呢舊Vision Pro ，橫睇直睇，都係做小眾市場，難登大雅之堂，據聞蘋果居然話想未來十年用佢嚟做主力產品，哈哈哈……無左Steve Jobs 既蘋果，創新已欠奉，都算！但而家新產品永遠lag behind 潮流成幾年，呢d AR 野早兩年喊住玩元宇宙時就work 啫，而家出嚟做乜鬼！ Facebook 都唔敢再玩呢d，跟翻大勢趕上人工智能，蘋果真係連市場觸覺都無埋，真唔係你蘋果件件產品都可以後發先至既，呢個優勢，iPhone 都開始消失啦！

蘋近幾年出d新品，設計愈嚟愈煩氣，Steve Jobs 既簡約韻味蕩然無存，咪以為塞曬d功能入去就係完美先得架！

而且賣價重好貴！環球蕭條中，內地人都窮，出件咁貴既野，搵鬼人買咩！最多得頭嗰浸，市場貪新鮮貪得意用下，跟住就成為滯銷產品。

真係擔心蘋果d經銷商，第日要哽呢件貨，蝕死！

蘋果再唔係增長型公司，食老本都食盡，日後股價只會半生不死！