好入比特幣咯bor! 

睇泥比特幣將要爆升一個「圈」，即60000美元左右一枚，你再等，又要講嗰句：「早知嗰時買啦！」

點解我認為爆升呢？

首先，最基本既因素係利率，美國暫時不勁加息，已經係短期利好因素。

第二，你睇近一個月比特幣價格走勢，似有大戶不斷集貨，每次稍為跌得顯著，就好快掃翻上去，明顯好有承接。

第三，幣安已被起訴，清晰了！鵬仔知一定要「課金」比美國政府，佢而家應該逐d逐d放比特幣套現，想好價出；老實講，佢真唔想放比特幣，但焗放，要交罰金；但放到咁上下就放夠啦，咁到時比特幣就要瘋升啦！你唔係等到時先買呀嘛？天才！

第四，亦都係最重要因素，時至今日，我諗好多人都開始覺醒，十幾年泥口口聲聲話比特幣價格遲早歸零，最經典梗係瑞信CEO 喺2017年指比特幣係泡沫，咁而家點？首先，比特幣價格從未歸零，亦無試過跌過九成九，最多七成而已；而且，跌完會復活，會再重生，你睇下而家硅谷銀行（SIVBQ.US）同簽名銀行（SBNY.US），前者係美國銀行排名第16位而後者就第29位，唔細啦！復牌後即暴跌99.06%和99.54%，重以後都應該無仇報嗰隻，而瑞信直頭消失左，咁邊個係泡沫呢？唔好信人，信你對眼睇既事實，唔夠就用埋第三只眼睛！

其實，歷史上的金融泡沫，好似鬱金香熱、南海泡沫、鐵路狂潮等等，點會維持15年咁耐呀！咁耐就喺我地全球金融體系生左根啦！

好多人已經開始醒覺，比特幣的內涵，遠比一些股票有深度，開始進場，於是，市場又再添新一波動力。

當下買比特幣，不是「知其無可為而強買之」；而是「立志買入由得我，然而行出來卻無買」!

我係咁有性格架啦，吹咩！