我要做投資Vtuber!

美國聯儲局將在今晚議息，無論甚麼結果，市場都會波動起來，差不多2季的市場悶局會破打破，資產價格大起大落是必然！相信我對投資環境亦會多點想法，該可以出多些這方面的文章。

再加上我開了AI 投資收費課，接續前年所開的自動化程式賣買課程，其中所用的程式語言，是當下最普及使用的Python ，我把心一橫，索性全情投入Python 的各方面教學，除了AI 投資課外，我的免費編程課，也會教如果用python，配合Django 這框架，建立一個堅實的網站backend 。這課程極深入，既然Express.js 也用上一百堂來教，我相信Diango 要過兩百堂才能完成。

自己亦忽發奇想，反正我未來一年用Python 教編程和教投資，那倒不如也順道建立一個投資分析網站，引入自動程式賣買的技術和AI 操作，可能非常有趣。

又是命格使然，我發展任何項目，都要某程度扯上投資才有看頭，雖然這並非我的意願，但市場喜歡我作這類分析，我豈敢任性不做。

千語德財的youtube 版亦有一年無製作了，亦是時候要見見人，但一照鏡，我嘔住覺得自己已顯老非常，點見得人呀！幸好，又是科技在拯救我。

近幾年興Vtuber ，而我又熱情學習科技，我想，不如我又整個Vtuber 出嚟，專講投資，咁樣我可以加入好多創作原素，又唔使迫觀眾睇我個老樣。

話唔定，咁先爆紅，終極加入日本超紅Vtuber 大企，幫我全球性開投資講座，唱埋歌，跳埋舞，出埋投資遊戲同超Q形figures，嘩……呢次無死咯。

真係諗下都好興奮！