我喺telegram 群組都真學到好多野

覺得自己喺「控group」 能力方面高了。

首先，搞呢d社交網絡群組有乜用呢？唔知你相唔相信，知識就係財富，你識見愈多，曉應用，搵到錢既機會就愈大；開群組，特別因為我曾經係補習老師，較易聚集到唔同背景唔同經歷既舊生入嚟，佢地分享各自既人生經驗，好寳貴，而且好「真實」。

就以移居英國既體驗為例，群組內的分享，大都係已喺英國生活左一排既舊生，佢地分享既體驗，好實在！完全無網上主流講呢個課題既挖苦感，亦無相互揶揄既無聊，好資訊型！好具體道出喺英國生活的面貌，我認為佢地有個睇法好精彩，就係「你咪理重稅啦，剩翻既錢夠生活咪得咯。」精彩！

我最學到野一次，係舊生分享，原來喺英國投資比特幣，每年賺過2000英磅要交資本增值稅，要比2成，我真學到野！教學相長，喺我身上，絕對實現左出嚟。

我既高考舊生，個個都唔年輕啦，大部份已成家立室，有仔有女，有佢地自身獨有的人生體驗，加上各自各既工作範疇，專業知識亦豐富，而家係我向佢地求學，拜佢地為師！

所以，如果你問我開呢d telegram 群組有乜動機，免費學野咯！你重想點，有知識學，又唔駛交學費，唔著數咩！

十年前，我都開過呢d類近既群組，但因為自己「控group」經驗不足，搞到好似出面d投資tips groups 咁，組員心態極不健康，成日希望一朝發達（咁易咩！）最討厭係，有d明顯唔係我舊生，入左嚟，目標係「搵老細（ 即係搵老襯）」，每句說話似足而家網上騙案咁先扮純情𠲖𠲖哦哦，但係人都知佢地包藏禍心，我不勝其煩最後delete groups。

嗰時試過有條友同我懶熟，跟住有次private message 同我講：「我代表左你喺出面其他groups 度講野！」唔係嘛！我幾時有授權！？我即block 佢同close groups 。

今回群組內既成員，可能大家都有一定歲數啦，真誠好多。

管理呢d社交網絡群組，都好講經驗既，要做個踏踏實實意見中肯既群組，我覺得我今日有d功力！