蠢人才這樣用AI ！

我只post 了一次AI 投資班課程大綱，就不斷有舊生問我為何還未有後續資料，來著幾天會post 的，放心！我不會不開，有生意唔做咩！

但我想說說課程的重心。

首先，如果你上呢堂係只係想睇下有乜股票好買，那不用付費上課那麼笨，天天跟看我的文章就足夠；你可能說，你最近的文章無乜講股票喎。大佬！買股票唔係日日買，更加唔係講你心情，你想買就有得買，生有時、死有時、投資有時，過去一季市場是悶局，上上落落，不買也罷，所以我也沒有甚麼東西好寫，我季前早已說過不看好Nvidia 但看好AMD ，你歡喜咪每次逢低就入下AMD咯，趁高就走NVIDIA，不用分析。

說遠了，回到我的AI 投資課。

第二：唔好睇AI 睇得那麼「神」，昨天先有舊生告知我，他有朋友用AI 問投資，持續問落去，問出Nvidia 低位在九月中十月，我問：「他用免費版AI?」他回應是。因為我們是用通訊軟件溝通，我的舊生不知我聽後在大笑；又大佬！你搵個免費版AI 嚟問投資，咪等於是旦喺街度捉個智商中等既人嚟問投資，問唔到答案，就比d guidelines 佢諗落去，咁究竟係佢分析定你分析，你「導」佢比你想要既答案而已！

所以呢個智商中等的AI 最後得出既分析結果是：nvidia 低位在九月中十月，正正是最近市場既睇法，減息在即嘛，咁駛乜問AI 啫！哈……頂，你搵個儍既嚟問，究竟係你儍定係佢儍！

很抱歉，我的AI 投資課，不懂教你如何透過AI 給你投資建議，我信我自己分析多過AI 給我的睇法，後者你貪得意玩下就好！

嚴格來說，我呢個課程係兩年前的python 投資課的後續課程，前年我開到第三課就停了，有上呢個課種既同學，有無記得我幾時停？就係十月，呢個時候正正是chatGPT 出現，當時我已留意到AI 出現大有可能會減少python 處理金融數據的工夫，果然，它在指標回測和作數據總結幫了大忙，做少好多條程式碼，兼可出個數據分析robots，咁既然AI幫到某part 手，就等佢功能清楚D先教，我地唔好多學d寃枉野，所以嗰課程當時停左落嚟。而家知點借助AI 啦，咪復課咯。

對於我呢d青耆，眼力不好，有AI 幫忙 data sorting，的而且確省心好多。

我的AI 投資課是教這些的，不要報讀錯，無得退款㗎！