股價無一刻講價值，只講資金勢頭。

投資市場就是這樣，任某間上市企業有何等的真正實力，只要有以下兩種情況出現，亦得不到青睞：

1） 大勢使然：你人愈老，就愈明白，永遠也是時勢造英雄，我們早已被上帝programming 好，好像當下勢頭不在美股時，甚麼股也要跌，要跌起上嚟就可以好驚人，一沉百踩。正如我細個時老豆同我講股票咁話：「股價無一刻講價值，只講資金勢頭；當然，有時勢頭會跟價值走。」

至理明言！

2）對某些股票過份迷信，譬如蘋果，我總認為它最近推出的AI intelligence ，無料到！最重要既係，根本未用得，下半年推到甩皮甩骨，又話呢part 未用得，嗰part 呢個區域未有服務，其實咪啫係乜都未做好咯！根本監硬推話題出嚟！咁都可以炒上，全因市場一份迷信。其實呢幾年蘋果吹出嚟既產品有邊次掂！？電動車、摺機、甚麼vision pro，無樣得！而家第四樣：AI intelligence 。

不過，因為太多人迷信蘋果產品仲有Steve Jobs 既分靈體，我次次講蘋果唔掂，都比人鬧到死。

等於前兩年你講港樓要入熊，一樣比人鬧到儍，「港樓會跌得深既咩！？有內地人鳩買，點會輸！」呢個係當時香港人既迷信。迷信愈深，日後跌勢愈勁！大家都見到。

我相信蘋果九月一出新品，產品不似預期時，股價就會雪崩式下跌。

然而，某一時某一刻，都係成敗論英雄，市場發展不似個人預期時，唯有等，坐看客觀轉勢；又或真係自己錯，唯有轉念。