我真係好奇怪，點解年青人仲揀讀工商管理！？畢業出嚟真係無野做gar bor！

有位舊生的老公，是IT 專業，跟我有以下的分享：

「Hey Alex，

我睇咗你啲文，真係身同感受。

我而家身在加拿大，做緊保險公司嘅IT部，好彩我係做系統設計嗰個，我下便好多工程師，已經因為人工智能，冇咗份工。

而且公司裏邊，好多部門，包括核保，賠償同埋客戶服務，甚至連專業嘅翻譯，都比人工智能取代咗好多。」

他進一步說出細緻：

「保險公司而家連：究竟個客人要做幾多檢查？要做到幾深入？全部都係人工智能判斷，再唔係個個都要去驗身，真係非常之科學化，亦都慳返好多錢。」

「基本上就係將整間保險公司嘅流程，人工智能化，我估唔使好耐，¾嘅人可以走得。」

真的，如果人類工種是一個三角金字塔，分五層，那人工智能就橫裏殺出一刀，將下三層切走，換上一個個Robots 在工作。

將來就只得第二層需要人類進行「承上啓下」的工作，上接最高行政決策，然後結合自身的IT 專業和該產業所要懂的專門知識，理出一個IT 系統，然後分派工作給下線Robots 完成。

我讀大學時工管科讀過一本好書叫「Structure  in Five」，當中提及第三和第四層是middle management，要「人」在這兩層幫手管下線的人；人工智能的出現，徹底將這兩層剷掉，日後不用管人囉，代之而起，是管理程式系統；你不再需要懂人力資源點管理，而係要知點控制嗰IT 系統。

咁年青人讀工商管理做乜？呢科訓練既人才，就係嚟填補第三第四層既人力需要，咁呢兩層都唔見左，即係唔需要呢方面既人才啦！

而我相信上述嗰本工管好書，好快會成為Adam Smith 「原富」既朋友，成為經典，但卻不合事宜。

我懷疑內地好多大學畢業生無野做既原因，其中之一就係佢地讀錯科，讀左d呢幾年因科技進步而唔再需要既專才科目，而且，係以後都唔再需要。

科技行得太快啦，今時今日年青人揀乜科專修，都要好高瞻遠足！唔好咁out 先得架，會長期失業架！