美股大有可能大跌——日元已平到環球資金由美股湧入日股

日元已貶值到一個極低水平，是否還可以低，天曉得！亦不用估底，對環球資金而言，4.8算下的日本資產，值博率已好高，入手隨時賺2層，先賺資本增值，再賺往後日元升值。

日本資產長線是否睇好，仍有待觀察，好睇日本經濟結構能否改變，譬如能否改革僵死的營商制度；但短期內，環球資金博日元報復式反彈，已經好吸引。

始終今年減息無望，環球資金緊絀，不能處處留「種」，既然日本資產短期內咁吸引，特別日股，出入容易，醒目錢仲唔由美股走去日股咩！

加上美國大選，太多不確定，環球資金都會暫避其鋒，君子不立危牆之下，暫時撤離美股，去日本「渡假」。

我估計，美股會有個顯著的大調整，而日經指數，可能升到48000。