到明年底隨時唔覺唔覺加多一厘息

看來，拜登真因年事已高，美國選民躭怕他魄力不夠，唯有焗揀特朗普。

特朗普上場就不好囉，往後四年，通脹必加劇！

特朗普好保護主義，往往提倡關稅及邊境移民政策，這將導致各行各業遭遇供應短缺及帶來樽頸，誓必推升物價。

美國物價上升的壓力本已不少，否則麥當勞又怎會推出窮人套餐；現在再加埋特朗普回朝，通脹隨時失控，以美聯儲的前瞻性，必定加定息，準備抑壓通脹。

所以，隨住特朗普當選呼聲愈高，市場預期息口升，於是拋售美國債，債息亦已趨升。

香港樓市，息口其實已到臨界點，再加息，好多人供樓都會好吃力，甚至負擔不來。已經被套下嚟既業主，無得揀，唯有焗供；但未買樓既，真係要諗清諗楚。我租屋，租唔起，可以揀細d，再唔掂，入內地住；我供樓，供唔起，問題就唔係咁簡單，到時大樓轉細樓，你估咁易咩！想唔住香港，你枱到錢比銀行贖樓先算。

試想想，今天物業按揭息口走近上世紀九七年既八九釐，但樓價係2021年左右既樓價，隨時係九七年樓價既三至四倍，你供得掂！？

我諗到心都寒埋！

其實，如果仲有人講「息口趨跌」呢句，佢一係無主見，人講佢就信；一係佢心知肚明，但身處的位份問題，唔咁講唔得。

真係要預到明年底，唔覺唔覺，陰下陰下，又加多一厘息。