兩單物業交易的啓示 ——— 香港物業沒有甚麼好炒賣了！

近日有兩單近屯門區段的交易：

第一個單位是嘉湖山莊6期(美湖居)3座高層E室，實用面積約441方呎，兩房兩廳間隔，房廳均擁開揚濕地公園景觀，屬優質單位，原業主於今年3月以約385萬購入，現以410萬元賣出，呎價約9,297元，轉手帳面獲利約25萬元，物業期內升值6.5%。但若計及釐印費等使費，實賺12萬元左右，其實都無乜肉食！

另一個交易，是屯門叠茵庭7座低層B室，實用面積約381方呎，兩房間隔，業主於3月以425萬元入市，完成交易後隨即放盤，叫價448萬元，但最終以比原入價更低的418萬元賣出，呎價約10,971 ，轉售帳面貶值7萬元或約1.6%，若計及釐印費等使費，實蝕約22萬元。

兩個單位既原買家，我估都係想博撤辣後樓價反彈，購入單位期望於短期獲利，而且都係持貨三個月就走貨，唔知係咪摩貨嚟呢？

天曉得，但可以肯定既係，過去三個月樓市小陽春，就係呢批短期炒家承托出嚟，而家大家都清楚，除左優質d既單位外，根本就無買家肯高價接貨，接你既貨都要你蝕！

未來三年，你想透過投機物業獲利，我認為搵既係辛苦錢，過往合埋眼事旦買間都賺，而家你就要用好多心機揀盤，唔可以求求其其，甚至要等，等筍盤出現，當中的心力，特別所承受既風險，真唔少。

香港，最好的物業炒賣時光已不復再，靠投資物業而致富亦不再容易。

炒香港樓不如炒NVIDIA ，穩陣好多！話晒出入貨都容易D！

你要相信，日後世代，是炒科技才能致大富！