已見優質盤跌4成價 —— 香港搵食會愈嚟愈艱難

最近有一個交易，鄰近奧海城的奧柏．御峯1座低層F室，實用面積約284方呎，開放式間隔，最高交易價為2021年時約600萬元，而家僅以360萬元售出，呎價約12,676元，跌幅達四成！

呢個單位算係拉車邊甩左納米樓的size ，且位於既地段算係優質，賣得咁平，算荀貨。呢個交易係一個好重要的signal，正所謂一不離二，二不離三，我相信下半年仍不斷有跌四成價的零星個案出現，到年底至明年，就開始頻密到漸成常態。

不過，坦白講，樓價跌四成，真唔係好事，因為咁已經唔係樓市獨憔悴的問題，物業價格下跌絕對影響財富與消費力，四成的負面的財富效果絕對傷入肉，各行各業都會受影響。本港四月零售銷貨值按年跌左一成半，已創近四年最大跌幅，但樓價若跌四成，明年同期跌幅仲恐怖，再compound 幾年，跌幅就嚇死人！

有d人好奇怪，佢自己無物業，見樓價跌好開心；其實，佢唔明，樓價隨左影響業主的財富外，亦都係好主要的經濟指標，當跌幅大顯著，我地無物業既搵食都艱難！

大家真要有心理準備，當樓價跌四成，香港經濟會進入另一層次蕭條。若你而家只係四十歲出頭，真未見識過當時廿年前沙士經濟的慘況，而且今次不是維持六個月，隨時要六年。

唔係講笑，我地真要好好整頓人生，準備渡過一段不短的艱苦歲月。