NVIDIA 要拆細,儍既才不會盲追!

2024 年 5 月 24 日 | 千語德財

沒有馬後炮,我在群組中由舊年已常強調,若NVIDIA 股價升逾800美元,拆細係必然;而我的潛台詞係,一旦拆細,其未來股價…..必爆升!

要來終於要來,NVIDIA 拆細啦!一拆十,但我見網上有很多意見,叫大家不要因此盲追!

真係搵嚟講!我認為盲既係呢d分析!

就算唔拆,我亦都不斷強調,未來幾年,人工智能方興未艾,NVIDIA 是此道之強者,其公司具有一定的優勢,企業價值是實實在在的,上到每股2000美元也不為過,那一拆十,上望都有200美元一股啦,咁叫盲追?

明唔明我意思?我意思係:就算NVIDIA 唔拆細,佢根本有第二浪同第三浪升勢,而家第二浪嚟梗!而拆細,起著推波助瀾的效果。

老生常談嘛!拆細令散戶入場門欖大降,由此吸引更多個別投資者追捧,股票流通性的提升令相關股價更該睇高一線!

我明!今時今日,美國散戶可以每次買賣少於1股(美國證券商提供了零碎股買賣服務),所以對美國股民而言,入場門檻早已下放;但外國人呢?即係我地!我地唔得嘛!買NVIDIA 的外國人唔會少,而我地香港人真係覺得8000蚊港紙一股NVIDIA好Q貴,而家一拆十,睇好既話,唔駛等月尾出糧就可以買囉!太好了!

我講過,投資如開實店做賣買,我賣香煙既,煙價貴,但個個恨喫,我拆散逐枝逐枝賣,你又唔駛吊煙龜儲夠錢嚟買一大包,即刻比枝你頂癲,我每枝酌量收貴返d d,係好合理!

股票拆細當然未必令股價上升,垃圾股咪唔得咯!但我而同你講梗既係NVIDIA ,係當今手執科技牛耳的先進企業,你同我講有保留,拆細未必令股價升,因為怕NVIDIA 係垃圾…..

你噏乜啫!你咁英明,不如等「香港科技探索」拆細啦!