咪鬼信去中心化—— 始終咪又係人玩既遊戲

近日ALEX  Lab出事，被駭客偷走數百萬美元的STX ，bitcoin Stacks 知其贓款地址，已跟中心化交易所聯繫並凍結那些戶囗，而且更打算將牽涉的STX 註銷，改發新的STX 補上。

有些STX 社區大喊，這有違去中心化原則、若Bitcoin Stacks 真的這樣做，會怒拋STX ，到時STX 幣值隨時崩潰！

我覺得， 去中心化一詞真好用，喜歡的就拿來充撐或狠鋤某加密貨幣之價值，不喜歡時提也不提。

以太幣夠中心化啦，過往歷史也因地址嚴重失竊而硬分义，最後咪無事！而家市場日望夜望，希望ETH 有現貨ETF ，咁唔夠中心化咩！？市場又唔見咁有原則，因為ETH 有現貨ETF 而怒拋：發誓不再要這款加密貨幣？

唔好突然懶有童心咁先得架，死守去中心化搏乜啫？大家成年人，明白啦！搞咁多野最後都係想cap 水！

去中心化的真諦，在於某加密貨幣的價值，起始不靠政府背書，而由某社區的相互共識所支撐，只要某幣因此而玩出價值來，上埋中心化同去中心化交易所，最好有埋現貨ETF，過得海就係神仙，到時仲同你講去中心化咩？咪玩啦！

對我嚟講，去中心化出現只係環球多左個創業渠道同多左d就業機會而已。

正如比特幣已歸位成為大宗商品，受多個政府承認，去中心化已不再重要，因為有乜依郁，唔駛用乜野共識來排斥，政府直接拉人就得！

更何況，Bitcoin Stacks day one 已經無同你玩100%全去中心化，反而佢地夠軍真，某環節明明可以大叫去中心嘛而求鬼其其，等時機一到就呃人！但佢地無，個質押部分實牙實齒同美國SEC攞牌；咁而家出事，stacks 又知d贓款地址，做乜唔封唔廢個地址嚟保障原有利益的人。

個人認為，Bitcoin Stacks 咁樣做，反而提升了該系的使用信心。

區塊鏈都無可能一出就完美，都要有經歷既，被hacked 好正常，最重要係點跟進同作出改善。