別將理性投資轉化成賭癮——— 也談如何看一種代幣的潛力

舊生見我極欣賞Bitcoin 系既原生代幣（其實我講嚟講去都係STX同最新發掘既ALEX)，他於是進一步再探究還有甚麼相關的幣種，格致了幾日後，昨晚突然興起，說要買甚麼又買那麽…….. 但他所提及的代幣，我一隻也不認識。

我的舊生，大多不年輕囉，入世不淺，買甚麽自由其盤算，輪不到我搭上幾句話；所以，正常情況我是保特沉默的。但眼下這位舊生好像亂石投林，我忍不住問他：

「你知唔知佢地D項目搞乜？」

「大概知。」

「不如你比佢地d價格走勢圖嚟睇睇。」

不看由自可，一看就驚呆！這些代幣，全都是剛推出時有一「浸」升勢而已，往後就不斷回落，在低位窄幅上落….

換言之，這些代幣根本未見潛力！早期的升勢，只是開新幣時找造市商推動一下流動性而已，一旦推不動，就會逕自不斷下滑，大有可能永不超生。

一隻代幣可投資要有兩個要素，缺一不可：第一，項目是真在硏發，並不是在「鳩吹」，技術層面要有一定的見用水平，如果人人都做到或用途不切實際，何來矜貴！第二，要有市場持續的認同與青睞，一個去中心項目，縱然如何認真開發，但最終用途不為大眾所接納，不被關注，無捧場客，那更優秀的項目也只是垃圾，只能自high，毫無炒賣價值。

File Coin 就是一個典型例子，六七年前吹到幾勁，又話可以將中心化的server 資料分散到唔同節點，於是一個節點死左仲有另一個節點，無server down 左既問題啦，但近年雲端發展的平𧗾負載，一部VM down 左可以另一部VM接力行，根本呢個問題已經唔係問題；反之，資料傳輸效能卻因去中心化而被拖慢，係好慢！至今仍未解決得到呢個技術問題，令File coin 呢隻crypto 價格浮浮沉沉，無乜動力！我就唔會吼啦。

一隻原生代幣，要有得炒，起碼要見到幾次升勢週期，再加上其項目技術愈發不可被取替，無論中心化和去中心化都無其他更好選擇，我地先好沾手。你睇比特幣早期七年價格趨勢就明我講乜，我係第九年，喺比特幣20000美元回落後先開始參與既。

每年都有萬九咁多種代幣出，唔通隻隻都有潛力咩！

所以，我叫呢位舊生早d訓，明天一覺醒來，清晨的黃金一時，定能壓下他的賭癮，令他清醒返！