香港的商鋪租金還要跌一半！

現時香港的營商環境可以嗎？個人認為，真的有點嚴峻，我就真唔夠膽開盤實業生意嚟做，怕行兩季就無生意，又要摺左佢，最慘係商鋪租約一簽就2年，咁咪要納空租年半，蝕死！

以當前香港經濟，做實業小生意成功機率好低；所以，要開新檔，一定考慮埋呢d概率，預埋要白交租好多個月，真係唔係好多大業主肯唔追租放你走，你要求人放你一條生路，不如一開始諗清楚開唔開，一諗就一定會慎思舖位租金呢個最重要既成本，真係唔租平都唔會諗做生意，咁無人承租下，商舖租金的下行壓力當然好大。

舊生跟朋友談及當下香港做實業生意的可能性，我這位舊生看事情一向傾向負面，認為所建議的生意過於傳統，無得做！我認為傳唔傳銃唔係關鍵，重點係租金，如果租金低，我係髪型師喺街頭開間飛髪舖都有數圍；當然，你唔識飛髮就唔好亂投資人地間理髮店啦，你實輸！

你可能會話，而家D大型商場好似都無乜點減租bor! 其實變相減左，你幫襯商場店舖通常都有，Cash Coupons 回比你，你用呢d cash coupons 買商場某店舖d野，佢地可以喺租金度對減翻呢d coupon值，咪變相減租咯。

不過，如果經濟繼續差落去，都唔到商埸大業主唔軍軍真真喺租金度減。

話雖如此，如果你話香港已死，咁又唔會既！但物價樓價乜價都好，都需要大幅下調，香港先可以復甦起來，外資先會進入。

今天的香港，當然已不再是我年青時的創業天堂，嗰時既商業世界係一個大爭的世代，有志氣的年青人都希望幹一翻事業，打出名堂，最好公司能上埋市，就認真光宗耀祖；而適逢當時香港處於盛世，百業興旺，創業成功的機率不低。

而家，如果租金相宜，啫係要跌多一半，攪生意應該可以搵到食既，至於做唔做得大….. 天曉得，真要睇到時經濟情況咯！不過，我幾肯定，嗰盤生意唔結合當下科技創出新猶，都幾難做得大。

至於上市？如果港股依然好似而家咁，你上市有「so」咩？「殼」唔值錢gar bor，又難伸手同股東再攞錢，每年仲要一筆以千萬計的核數師費，好甘啫！