要死唔駛病，爆升無原因。

比特幣價格大升，Telegram 群組內有些舊生想找原因，問我何解？我的回應是：「要死唔駛病，爆升無原因。」

環球資金竄來竄去，去留之間存在勢頭，我們掌握勢頭就足夠，近一段日子，美股不太升，加密貨幣猛升，明顯資金湧向後者，那若你手上已儲有比特幣系的資產，就可以有序地散貨。

估頂令人心煩，易亂陣腳，倒不如趁升勢逐步走貨，穩打穩紥賺取合理回報就算，亦最實際。

也許你會問，若我無貨在手，可追入嘛！於我而言，這是最棘手的，大家亦必有此經驗，跟勢入卻原來是在摸頂接貨，所以這方面好講運氣，你有膽色夠沙pot 可一試。你當老肯，點買都贏！

而我，寧願平時溫下書，睇下邊隻有潛在實力，喺佢勢頭未出現時入手，跟住守候佢既升勢出現。

而家我就守候緊美股NVIDIA 同JOBY，既然現在資金在比特幣系的資產中，只要一離開就會走向美股，到時就輪到美股爆升，我係咁睇。

基本上，美元流動性並未增加；所以，要美股和比特幣皆升，難呀！除非美聯儲真的開始減息；否則，現在資金是跟預期跟勢頭走，一方升起，另一方就弱起來。

若下星期美聯儲真減息，美元流動性便會上升，就美股比特幣皆升囉。

一切一切，等著下星期美聯儲的議息結果。