我將在YouTube同期推出另一編程系列 ——— 「Create React App by Vite」

真係唔教編程唔知自己咁高生產力，「LAMP Stack 基礎篇」我已製作到第六十集，成個框架已經確立晒，呢個傳統堆疊雖然真係好old fashion ，但係好多基本概念由此出，如果要學好編程，無得唔識！我仲有好多好多好多野要講，呢輯「基本篇」完左，就到「進階篇」，重心移去Bootstrap同jQuery，最後就係第三部份「應用篇」，焦點係如何「專業地」使用WordPress，喺呢個Content Management System度自己落程式碼，多快好省地建置網站。三組課程，應該長達一年。

起初我以為自己每日一段編程短片會應付唔嚟，但做下做下就上左手，而且製作愈嚟愈快；而家我覺得應該可以再做多d，所以我打算同期推出新作，又既然LAMP Stack 咁傳統，我就用一個超新既建置網站工具：用Vite 製作一個React App ，新舊互濟，天下無敵了！哈…..

你會問，我LAMP Stack 未學齊就可以同步學呢個課程？關鍵係：我教嘛！就可以！都係嗰句，程式既野，跟下跟下就有感，就會陸續明。

教學相長，我製作呢d課程，連我都有得著；原本識既野，而家再系統地present 一次出嚟，我自己都明多左好多，太好！

有舊生見我教得起勁，問我幾時可以教用Python 接駁d證券行平台既API 行 Algo Trading …….

真係要等下啦，一來我覺得大家錯誤地以為Algo Trading 呢d甚麽自動落盤會幫你賺錢，哈哈哈….. 係就無窮人啦…我想講，你有無讀過Econometrics？ 無？咁呢d Algo trading 會害你輸錢！

我其實，幾憎教呢part 編程部份。

名過於實！信自己眼光好過信部電腦啦！