比特幣現貨ETF 上市於我的含義

美國證券集中保管結算公司(DTCC)的網站，出現全球最大的資產管理公司黑石集團Blackstone的比特幣現貨ETF 的掛牌，加上黑石打算將自己的資金作為種子融資，投入 其ETF 以啟動它，市場普遍認定，今回係嚟真既！再唔係之前出口術挾空倉咁，Bitcoin 實貨ETF 真係快要上市，

今早比特幣攀升到35000，市場氣氛異常興𡚒，但我沒有，我視這升浪為我既STX 走貨機會，賺埋收工，安心工作。

比特幣終被美國SEC 受落是好事，對於一個當下非常熱愛科技的我來說，樂見這方面發展竟然真的創造出「數碼黃金」來，實在驚嘆科技的大能，自己果真無壓錯注喺科技學習方面，未來的經濟價值，終歸科技。

不過，我真係唔睇好比特幣喺當下可以爆升好多，始終環球美元流動性緊絀，息口又高，市場都無錢，可以升得幾多吖！所以，我認為比特幣價格的升勢，將無以為繼。

現階段，趁著去中心化生態因平台危機（呢段日子出入金甚至代幣都幾煩氣）而沉靜下來，我想專注其科技的學習，同佢鬥快，最好在未來一兩中年攪通埋去中心化既編程。

我深信，加密貨幣的發展，前途無可限量，但必須每階段經歷沉澱，來提升技術水平，當下就係呢個階段。

比特幣現貨ETF 的出現，告知我們其社會認受基礎已堅實，教我們可放心硏發相關的技術項目，他朝，必定好樣。

我是這樣想。