又一個社會陷阱！

社會有好多陷阱，係你做時唔知係禍根，要日後先知大禍臨頭。

最近我見到個廣告，寫住：

「開立銀行戶口，不成功不收費，匯豐/中信/星展/恆生/東亞，價格$8000起。」

大家都知，而家開銀行戶口，特別係有限公司，唔容易，銀行怕你用個戶口嚟「洗錢」，所以好嚴。呢個「嚴」，應該有一定銀行守則要跟，當然，你有熟人推薦，係容易d既。

但呢個過程，除左新戶口要開戶費用直接比銀行（有d銀行唔使添）外，應該唔駛用錢。

好啦，就當個中介人要幫你走嚟走去到各銀行查詢，交通費時間都係皮費，要收返服務費，合理！但駛唔駛要8000蚊呢！？

所以即使你肯比呢8000蚊（或更多），都好凶險，你唔知呢筆錢裏面，佢地有無乜野私相收授，而引致你日後有貪污罪名要承擔。

真係「好時幾好都得，唔好時幾唔好都得！」

戶口名係你既，日後有任何事發生，執法部門搵既係搵你，唔係個中介團體。

最重要，個廣告係無公司牌頭既…..

你就知乜事！

幾年後發生既野，你揹硬！