用Wirex account 你地都要警醒！

好多人都用Wirex account嚟放crypto 同法定貨幣。

世上無絕對安全既交易平台，雖然Wirex 喺英國金融系統上有註冊，叫做稍稍安全點，但我地都唔可以唔提防！

首先，你要經常操作戶口，入下金、買下幣，轉下做外匯，碌下card ，戶口長期不郁動， dormant 左你都唔知就唔好啦；更何況， 如果你幾個月唔郁下Wirex 嗰account ， 佢會收你手續費，唔平架！成幾百蚊！大家真要留意！

更重要，你成日郁嗰account，起碼你知佢重行緊，真係有乜依郁唔對路你都可以take actions ，其中一個好重要動作，如你發覺嗰account 有d唔對路，出唔切金既話，即刻先將佢轉做法定貨幣先，美金又好，港元又好，日元又好，自己決定！點解呢？因為監管法定貨幣同crypto 屬兩個範疇，法定貨幣一定較多保障，所以，有乜依郁，即將crypto 轉為 legal tenders！

同埋，得閒就碌下卡出下金，唔好放好多錢喺嗰account 度 ，千其唔好將所有雞蛋放喺同一籃子，切記！切記！呢個世界，無樣野可以盡信！無樣野可以絕對安全！真係大吉利是Wirex 出起事上嚟，你都唔會太大損失！

大家用開Wirex 都知，其實佢個系統都幾多bugs ，我最新遇到既問題係，入唔到Wirex既網站，佢話send 嗰code 去我手提到，但佢頁面紀錄既手提電話根本唔係我個電話號碼，但我check 個Wirex Apps 既個人資料就係我既電話號碼，莫明奇妙！我於是二話不說，將Bitcoin 轉做現金碌咭買我想買既野！

同埋，Wirex 既客服出名差，跟進效率奇低！呢個已經係好多Wirex 使用者既同識！

呢d金融平台亦都不斷在變，我有位舊生留意到，香港Wirex 的註冊，已經不再喺英國，而在星加坡；睇！Wirex 都不斷在變，你千其唔好一成不變！

總之，點樣安放你既財富，唔好全信任何機構！

大家自求多福！