林作的教訓：小心推你的推薦code! 尤其你係領頭羊

記得今年早期開加密貨幣分析 telegram group時，我已利申我絕對不是任何金融平台既affiliate，以正視聽。我們的群組，只是純學術探討和分析，絕不會有任何投資產品推介；至於實際投資某種資產與否，是舊生個人之事，他們自己承責，我真係說得清清楚楚！

亦正因如此，即使有些平台（如 Wirex) 我有推薦code ，我也不會給我的舊生，藉以避嫌。

社會有很多陷阱，是你做時不知犯法，但發展到某個階段，有鑊氣爆出嚟時，才知已誤墮法網。我一直都好喜歡呢兩句廣東諺語：

「無事咪無事咯，有起事上嚟幾大件事都得！」

「好時咪好咯，要唔好時幾唔好都可以！」

真係大智大慧之言，使我終身受用，大家也要牢記此兩句，時刻提醒自己。

而林作就是引例。

他被捕了，令人惋惜，這年青人其實底裏不是壞透之人，只是好大喜功，急於求成，特別急於要個人名聲聞達於世界；結果，近月來每做一步，就行近法網一步，全不知自己已走進人世裏的死胡同。

其實，喺加密貨幣生態中，有不少人已三「喊」其口，嚷着JPEX 是徹頭徹尾既騙局，至少在我既群組世界裏，已是大家既共識。林作被保險產業放逐出嚟後，轉戰加密貨幣市場，就即「痴」埋去JPEX ，完全不查清其底蘊，「利慾薰得林作醉，直把JPEX作保誠」，盲用保險的分佣制，且二話不說就話要做partner ，連affiliate 都不想做啦，要做就要做到最大，一步登天，入賊竇卻懵然不知，結果闖出大禍來！

林作家底好，不用貪錢，但他貪錢所帶來既威風，由7月開始，他就不斷話自己而家仲好搵過做保險，為的就是要證明自己太有本領，去到邊叻到邊……甚至極速上位成為某間公司既partner 。

發神經！

好時咪威風咯！唔好時監都有得你坐！