林作不懂在網上見好即收(II)

互聯網上受到關注，好嘛？

的而且確，你受到關注，可助你加速建立屬於你的社群，今時今日做生意，社群生態行先，你看蘋果，藉Steve Jobs 之名，建立了一個龐大環球社群，生意有這社群支持，幾近處於不敗之地，是蘋果這間公司最重要的護成河。

林作這幾年已成為網上熱門焦點人物之一，而他亦藉著這網上名聲，在保險界做得有聲有色，理應前途無可限量，懂收放既人就知係時候收歛下來，專注自己既工作。坦白講，如果往後佢殷實地咁做落去，加埋佢學歷，真係總監都有得做。

奈何他不甘寂寞，寧花心思serve 網民，而非全心全意做好自己盤保險生意，呢個都係網上竄紅的後遺症，你會時刻心思思想喺網上做noise ，吸引大眾既注意；真係一嘗成為網上焦點就幾可誤終生，你既想法會愈嚟愈不切實際，一味只想繼續被關注，而林作就更奇怪，我既感覺係：佢好似不斷想突出自己去證明一d野，而且好急，等唔切咁，係乜野我唔知，受眾目標我也不太清楚，但正因為咁，佢喺網上的言論同行徑，就愈來愈過火，真係唔關佢事既野都硬塞自己隻腳入去參與一份，又無實際利益，做乜要咁，莫明奇妙！

結果，他仿效荷里活商場兇案令其事業大失足，突然由天上急跌落凡間。

之後，他心急了，心急想證明，你保誠跟我終斷合作是極愚蠢之舉，他要短時間抓到個好出路來證明自己既可貴，於是他看上了加密貨幣市場，更看上JPEX（誤當它做保誠般看待？）於是又話自己係乜教父，又乜JPEX 合伙人，又乜野一個月賺左廿幾萬（希望佢吹水，唔係就真賴野），好搵過做保險……. 等等。

總覺得，林作跟「被拋棄」，有一份強烈的情意結，於是令他言論與行為，愈嚟愈過態。

而互聯網，更將他這份情意結發揮得淋漓盡致，而且沒完沒了……

直至要闖下大禍來。

「見好即收」既反義詞，就係「後果不好收拾」。