林作不懂在網上見好即收

我不討厭林作，亦不覺他是一個極壞心腸的人；只是，這幾年看著他在互聯網上的行徑，真替他心驚膽顫，與其說他膽色過人，不如說他死膽驚天下，全不顧個人後果。

互聯網的出現，的而且確可令我們的在一夜之間紅起上嚟，即使大多是「負」紅，但你用得其所，明白「適可而止」的道理，曉得見好即收，不失成為你個人事業成功的催化劑。不過，你真係唔好跟呢份負紅勢頭癲落去，你唔識喊停自己，隨時可以萬劫不復。

我昔日高考之所以能紅起嚟，多少也拜我當日膽粗粗上載了「空中飄屎記」，引起了當時的網上熱傳，結果吸引了很多學生來上我課「見識一下」；那時我知道，機會來了，但亦同時極傷透我腦筋，因為我知道，若我拿捏不到一個實學與搞笑的均𧗾，會好快玩完。

因為互聯網只會為你帶嚟「負紅」，「正紅」就要靠自己，從而扭轉你既市場（或者當下既術語———你既community ）對你的態度。所以，當時，我在線上一路被揶揄「條友係未教書架」（當然亦包括同行打手既刻薄攻奸）；而線下的我，卻非常認真教學，跟同學一起跑好公開試成績；呢個過程真係一個形象的自我角力，要喺搞笑形象同嚴肅教學之間strike a balance ，講真，呢個平𧗾好吃力，極有心理負擔，但為左搵食，無計！

仲記得當時在網上竄紅了搞笑形象，隨即有好多媒體想訪問我，我驚懼不已，全部拒絕；我永遠記得昔日師爺校工給我的教誨：傳媒對你報導一定唔會正面，唔好立亂接受訪問。我知道，若我當時接受訪問，一定挖苦我教學既搞笑形象，甚至「生安白造」一些事來撻伐醜化我，咁我就完全失去上述既均衡，甚至會被線上股吸力捲入非常是非之境地，所以我絕不受訪問。

那些年，真係稍一差池，就麻煩了；幸好，我安然守到高考完結，沒有太大的壞名聲。

我不是說我很有本領，前陳往事，不值一哂，只是想作為一個趣味引子而已，帶出我下一篇的重心：我認為林作過往一年，就是失了這個均衡。

林作是位有能力既人，亦懂利用網傳的力量，但過猶不及，被網上文化完全的牽著鼻子走。

（待續）